Tiranë, 26 qershor, NOA – Fushata për zgjedhjet e drejtuesve të rinj në degën e LSI-së në Tiranë, do të sjellë energji të reja në funksionimin e strukturave të LSI-së. Ky është mesazhi që ka dhënë sot Kryetari i Lëvizjes Socialiste për Integrim, Ilir Meta gjatë takim me strukturat e partisë në njësinë nr. 1 në Tiranë.
Në këtë takim janë prezantuar dhe dy kandidatët për drejtimin e LSI-së së Tiranës, Shezai Rrokaj dhe Edmond Panariti.
Kryetari i LSI-së Ilir Meta u ndal në procesin e riorganizimit që sipas tij do të sjellë forcimin e partisë dhe përgatitjen për zgjedhjet e ardhshme lokale. “Lëvizja Socialiste për Integrim do të jetë me energji të reja”, u shpreh Meta.
Duke u ndalur në zgjedhjet në Tiranë, Meta vlerësoi profilin intelektual dhe qytetarë të kandidatëve për LSI-në e Tiranës, Panariti e Rrokaj.
Kryetari i LSI-së garantoi se zgjedhjet për strukturat e LSI-së “do të zhvillohen në me transparencë”.
NOA
