Afganistan, 4 korrik, NOA - Nëntë trupa të huaja u vranë dhe plagosën në sulmin e talebanëve në bazën e tyre në krahinën lindore Kunar.
Lajmi u bë i ditur nga agjencia e lajmeve afgane Pajheok.
Duke cituar një deklaratë të lëshuar nga ana e Forcave të Ndihmës për Sigurinë Ndërkombëtare (ISAF), thuhet se kryengritësit sulmuan bazën në veri të kryeqytetit provincial Asadabad me armë të rënda dhe të lehta.
Një zëdhënës i ISAF-it në Kabul tha se nuk kishte informacion mbi incidentin, por nuk përjashtoi mundësinë që komunikata mund të ketë qenë hartuar nga baza krahinore e forcës.
Pajheok argumenton se deklarata e ISAF-it nuk përcakton se sa persona janë të vdekur dhe sa të tjerë të plagosur, duke shtuar se vetëm një numër i caktuar i talebanëve janë vrarë.
Nga ana e saj, agjencia shtoi, se zëdhënësi i rebelëve Zabihullah Mujahid ka marrë përgjegjësinë e këtij sulmi të armatosur, i cili sipas tij vrau 15 ushtarë të huaj.
Edhe shefi i policisë në Kunar, Khalilullah Ziayee, konfirmoi incidentin, por tha se nuk kishte një bilanc të saktë të personave të vdekur.
r.b/NOA