Pakistan - Gjashtë Të Vdekur Dhe 90 Të Plagosur Pas Një Atentati
PESHAUAR (Pakistan), 9 korrik /ATSH-AFP/ - Të paktën gjashtë persona humbën jetën dhe 90 të tjerë u plagosën pas shpërthimit të një bombe në një treg në veriperëndim të Pakistanit, vendit aziatik që është shndërruar në një skenë atentatesh tragjike të kryera nga talebanët e lidhur me rrjetin terrorist al-Kaeda, njoftoi sot administrata lokale.
''Sulmi ndodhi në Yakaghund, fshat i distriktit tribal Mohmand, jo larg kufirit afgan dhe një nga bastionet e talebanëve pakistanezë dhe të luftëtarëve të huaj të al-Kaeds'', tha Maqsood Ahmed, zyrtar i lartë i administratës lokale.
"Sipas informacioneve të para, bëhet fjalë për një atentat kamikaz'', shtoi ai./
a.jor.
