“Kemi arritur një akord me realin e Madridit”, - këto janë fjalët e Joerg Neubauer, menaxherit të mesfushorit gjerman, Sami Khedira, i cili ka konfirmuar për agjencinë gjermane Dpa se lojtari është shumë pranë transferimit të tij te klubi spanjoll. “Në momentin që klubi më i mirë në botë i trajnuar nga një ndër teknikët më të mirë të kërkon, atëherë duhet të merret seriozisht në konsideratë kjo ofertë”, - shtoi ai.
Fillimisht ka qenë dhe vetë lojtari, i cili shprehu qartë dëshirën e tij për të qenë pjesë e klubit të Realit. Megjithatë zyrtarizimi i tij ende nuk ka ardhur dhe kjo pritet të jetë vetëm çështje kohe, ku me sa është bërë e ditur nga mediat gjermane akordi do të mbyllet në shifrat ndërmjet 12-15 milionë euro.
r.b/NOA
