Indi, 7 Gusht NOA - Është prej 88 personash bilanci i të vdekurve në përmbytjet e shkaktuara nga shiu i madh që ka rënë gjatë natës në Kashmir të Indisë, sidomos në zona e qytetit historik të Leh.
Sipas televizionit indian, janë me dhjetëra të humbur dhe të dy autostradat që lidhin qytetin me botën e jashtme, janë shkatërruar.
Një gjendje e jashtëzakonshme dhe shqetësimesh ka përfshirë dhe shtetasit e huaj, të cilët tradicionalisht zgjedhin Leh si destinacionin e tyre turistik.
Për shkak të shirave të rrëmbyeshëm edhe pista e aeroportit kombëtar është dëmtuar dhe të gjitha fluturimet janë pezulluar pa afat.
Bazuar në informatat e marra nga zonat më të prekura, shumë ndërtesa publike, duke përfshirë shkollat, zyrat qendrore të Policisë Kufitare (Itbp) dhe ndërtesat qeveritare, janë dëmtuar rëndë.
Gjithashtu, edhe spitali kryesor i qytetit është përmbytur.
Rreth 6 mijë trupa, janë mobilizuar për të përmirësuar këtë situatë. Gjendja e jashtëzakonshme, sipas raporteve të autoritetet lokale, arriti maksimumin kur qyteti u godit nga një stuhi e fortë që ka shkaktuar ndërprerjen e telekomunikacioneve dhe të shërbimeve të nevojshme publike. Ladakh është një rajon malor i vendosur në pjesën jug-lindore të Kashmir me shumicë të popullsisë myslimane. Çdo vit, ajo është vizituar nga shumë turistë që janë të pasionuar pas trekking.
r.b/NOA
