Shkup, 11 shtator, NOA – Kryeministri maqedonas, Nikolla Gruevski, ka deklaruar se ndërmjetësi i Organizatës së Kombeve të Bashkuara, Metju Nimiç nuk ka dorëzuar asnjë propozim lidhur me zgjidhjen e kontestit të emrit.
Ai këtë e deklaroi duke iu përgjigjur mediave lidhur me shkrimet e shtypit grek për gjoja propozimin e ri të ndërmjetësit Nimiç për çështjen e emrit të Maqedonisë.
“Kjo nuk është e vërtetë, dhe se ndërmjetësi Nimiç] nuk ka dorëzuar asnjë propozim. Kjo është një nga spekulimet e rregullta të mediave greke, të cilat gjatë periudhës së ardhshme do të rriten edhe më shumë, pasi ë Greqi fillon fushata zgjedhore për zgjedhjet lokale të nëntorit”, ka deklaruar kryeministri Gruevski.
Mediat greke ditëve të fundit kanë shpalosur disa propozime për zgjidhjen e emrit, se gjoja janë dhënë nga ndërmjetësi i OKB-së, Metju Nimic, ndër të cilat është dhënë propozimi Republika e Maqedonisë së Vardarit, Republika e Maqedonisë Veriore etj.
NOA-INA
