Firence, Itali, 17 Tetor 2010 NOA - Një burrë i moshuar është përplasur nga një autoveturë në Firence dhe ka mbetur i vdekur.
Viktima u përplas ndërsa po kalonte mbi vijat e bardha nga një “makinë pirate rrugësh”. Drejtuesi i mjetit, pasi ndodhi aksidenti, u largua menjëherë pa e ndihmuar aspak të moshuarin.
Alarmi u lëshua nga një taksist, i cili pa në rrugë trupin e pajetë të të moshuarit. Menjëherë, në vendngjarje mbërriti policia dhe karabinierët, të cilët janë ende në hetim të këtij aksidenti që çoi në vdekjen e të moshuarit.
Viktima quhet Luigi Laudisa, ishte 93-vjeç, ishte një ish-marins dhe kishte punuar si inxhinier në kompaninë e Fiat.
Për momentin karabinierët janë në kërkim të drejtuesit të automjetit dhe po mundohen të gjejnë nëse kanë qenë kamera të pranishme në vendin e ngjarjes, pasi deri më tani dëshmitarë nuk ka pasur.
r.b/NOA
