Uashington, 11 dhjetor, NOA - Presidenti amerikan Barack Obama po ushtron presion të madh ndaj senatit amerikan për të ratifikuar marrëveshjen e re të çarmatimit me Rusinë, të njohur me emrin marrëveshja e re “START”.
Zëdhënësi i presidentit, Robert Gibbs tha se senati nuk do të marrë pushimet e krishtlindjeve, para ratifikimit të marrëveshjes.
Në rast nevoje presidenti Barak Obama do të shtyjë pushimet. Sipas kushtetutës amerikane, marrëveshjet ndërkombëtare mund të hyjnë në fuqi, vetëm po qe se senati i ratifikon ato me shumicën e dy të tretave.
Demokratët e Obamës nuk e kanë më një shumicë të tillë në senat. Rusia ka kërcënuar me armatimin bërthamor, nëse SHBA nuk e ratifikon marrëveshjen e re të çarmatimit.
a.k/NOA/DV
