SHBA, 23 dhjetor NOA – Po vërtet nuk paskan të sosur, telashet për Lindsay Lohan. Aktorja, këtë radhë është bërë protagoniste e mediave, pasi ka sulmuar një grua të stafit të një qendre rehabilitimi.
Ngjarja ka ndodhur kur ajo ndodhej në kurë gjatë muajit tetor por fakti u publikua dje. Pas natës së radhës që ishte e dehur, ylli i “Mean Girls”, u kthye nën avuj alkooli dhe ka filluar të shajë dhe fyejë gjatë një debati, punonjësit e klinikës të cilët kurojnë varësitë nga alkooli dhe drogat.
Gruaja e sulmuar, Dawn Olanda, ka deklaruar vetë për sitin TMZ natën e tmerrshme të 12 dhjetorit. Lindsay u kthye vonë në mbrëmje në shoqërinë e dy mikeshave të saj.
Të treja kaluan murin e “Betty Ford” dhe filluan të ulërinin. Në këtë pikë, Olanda ndërhyri dhe u përpoq për të thirrur policinë, por aktroja e ndaloi atë duke përdorur forcë dhe më pas situata ka degjeneruar në një grindje të dhunshme.
r.b/NOA
