Brazil, 27 Dhjetor NOA - “E kam mbyllur fabrikën”. Kjo ka qenë mënyra që ka ndjekur Ronaldo për të njoftuar se i është nënshtruar një vazektomie për të shmangur më tej rritjen e listës së trashëgimtarëve të tij.
Ish-sulmuesi i Inter dhe Milan, i angazhuar me ekipin e Corinthias, ka njoftuar këtë vendimin të tijin drastik në një intervistë me gazetën Folha de Sao Paulo:
“E kam mbyllur fabrikën, kam kryer vazektominë”, - tha ai.
Ronaldo ka katër fëmijë: Ronald me moshë 10 vjeçare, i biri i Milene Domingues, Alex (5 vjeç), që e ka pasur nga Michelle Umezu, dhe dy fëmijët e tanishëm me gruan e tij aktuale Bia, Anthony Maria Sophia (2 vjeç) dhe Mary Alice (9 muajshe).
“Tani kam dy çifte dhe çdo gjë është perfekte. E kam pasur gjithmonë ëndërr të kem shumë fëmijë dhe aktualisht mund të them se e kam realizuar”.
r.b/NOA
