Korçë, 19 janar, NOA – Forcat e policisë së Korçës kanë arrestuar në flagrancë 24-vjeçarin Elgis Tahirka, pasi gjatë kontrollit personal iu gjet një sasi prej 7.6 gram lënde narkotike "Cannabis Sattiva".
Ndërsa gjatë kontrollit të automjetit të tij me targë KO 8560 B u gjeten dhe sekuestruan në cilësinë e provës materiale 51.6 gram "Cannabis Sattiva", 4.6 gram heroinë, 2.6 gram kokainë dhe 38 qese farmaceutike.
Vepra penale që ky person ka konsumuar është ajo e "Prodhimit dhe shitjes së lëndëve narkotike", parashikuar nga neni 283/1 i Kodit Penal.
Materialet për këtë rast iu kaluan prokurorisë së Korçës për hetime të
mëtejshme.
n.e/NOA
