Sarandë, 8 mars, NOA – Nuk është mjaftuar vetëm duke e goditur me grushte dhe me shkelma, por e merrte çdo ditë në telefon dhe e kërcënonte. Policia ka shpallur në kërkim Vasil Leonidha Dako, 34 vjeç, banues në fshatin Cerkovicë Sarandë, pasi prej dirsa kohësh ka dhunuar dhe ka ofenduar një bashkëfshatarin e tij.
Sipas policisë sherri mes tyre ka nisur për motive të dobëta. Ai ka qëlluar me grushte dhe e ka kërcënuar nëpërmjet telefonit personin me inicialet S. C., 60 vjeç.
Policia sqaron se po punohet për kapjen e këtij personi. Ai akuzohet për veprën penale “Dëmtime të tjera me dashje” dhe “Përdorimi me keqdashje i thirrjeve telefonike”.
a.k./NOA
