Beograd, 17 mars 2011, NOA- Bisedimet mes Serbisë dhe Kosovës do të fillojnë më 25 dhe 26 mars, ky fakt është konfirmuar nga ministri për Kosovën në qeverinë e Serbisë, Goran Bogdanoviç.
Ai është shprehur se nga këto takime priten rezultate konkrete në mënyrë që të arrihet sa më shpejt kompromisi mes dy vendeve
Sipas tij vetëm kjo është rruga për sheshimin e konflikteve të vazhdueshme mes Kosovës dhe Serbisë, por pa lëshimin mbi propozimin për autonominë e veriut të Kosovës në këmbim të njohjes së shtetit.
Ndërkaq ai shton se priten rezultate konkrete, por Serbia sërish i qëndron vendimit për të mos njohur pavarësinë e Kosovës.
a.y/NOA
