Tiranë, 16 maj 2011, NOA- Sapo kanë mbërritur në Komisionin Qendror të Zgjedhjeve, 3 ambasadorët e akredituar në Shqipëri.
Aleksandër Arvizu, ambasadori i SHBA, Eugen Wollfarth ambasadori i OSBE dhe Etore Sequi, ambasadori i Bashkimit Europian, po zhvillojnë një takim me dyer të mbyllura me kryetarin e KQZ-së Arben Ristani dhe me nënkryetaren e këtij institucioni Dëshira Subashi.
Ky takim zhvillohet vetëm një orë para mbledhjes së radhës së Komisionit Qendror të Zgjedhjeve ku pritet të shqyrtohen tableta e rezultateve të Tiranës, për garën e kryebashkiakut.
Pritet që ambasadorët ashtu siç ndoqën nga afër numërimin e votave në njësinë 5, të ndërhyjnë për përshpejtimin dhe shpalljen sipas ligjit të kandidatit fitues për bashkinë e Tiranës, pas vonesave të shpalljes së rezultatit.
Sakaq nuk dihen saktësisht direktivat dhe këshillat që tre diplomatët ndërkombëtar do i thonë drejtuesve të KQZ-së, por sigurisht pritet që nga ky takim të jepet nxitje për shpalljen e rezultatit aq shumë të kontestuar nga të dyja palët, për Bashkinë e Tiranës.
a.y/NOA
