Serbi, 11 qershor 2011 NOA/INA- Muharrem Ibraj është ndër të paktët njerëz, të cilët mohojnë kryerjen e krimeve të tmerrshmë të serbëve gjatë luftës. Në vend të kësaj, Ibraj thotë se krimet i ka bërë UÇK-ja, prandaj ka shkuar në Hagë për ta mbrojtur kasapin e Ballkanit, Sllobodan Millosheviç. Ibraj, i cili zyrtarisht rezulton i lindur në Gjakovë, nuk e fsheh se është krenar që ka dëshmuar në Hagë në favor të Millosheviçit,dhe këtë e ka bërë pa e fshehur identitetin.
Agjencia e lajmeve Ina citon se Muharrem Ibraj jeton në Serbi dhe thotë se shqiptarët ia kanë rrëmbyër e më pas vrarë djalin, tre vëllezërit dhe 2 nipër, si shenjë hakmarrje.
"Shumë njerëz janë detyruar të gënjejnë. Unë nuk kam dashur të tradhtoj Serbinë. Kam lindur në Serbi, në Jugosllavi, dhe e kam thënë të vërtetën”, ka pohuar Ibraj.
Ai ishte pjesë e Policisë së Serbisë dhe tani jeton me një pension diku në Serbi.
a.q/NOA
