Hagë, 4 korrik, NOA - Procesi gjyqësor për Ratko Mlladiëin, pritet të rinisë sot në Hagë.
Ish komandanti serb i Bosnjës akuzohet për krime lufte, që kanë fillin në konfliktin e Bosnjës në vitet ’90-ta, përfshirë masakrën e Srebrenicës ku u vranë 8,000 burra dhe djem myslimanë. Avokati mbrojtës i Mlladiçit tha se ai do të bojkotojë seancën e sotme në të cilën ai është dashur të deklarohet për fajësinë ose pafajësinë.
Mlladiç ka kërkuar që të mbrohet nga një avokat i tij, dhe jo nga ai i caktuar nga gjykata. Mlladiç u arrestua në muajin maj, pas 16 vitesh në arrati. 69-vjeçari ka hedhur poshtë akuzat e ngritura ndaj tij.
NOA
