Vlorë, 2 nëntor 2011, NOA - Policia e Vlorës bllokoi dhe sekuestroi sot një sasi prej 60 kg lëndë narkotike të llojit kanabis sattiva. Sipas policisë, lënda narkotike ishte fshehur në një automjet tip kamion në portin e Vlorës, në një nga tragetet e linjës detare Vlorë-Brindisi, ndërkohë që destinacioni i saj ishte Italia. Uniformat blu bënë të mundur arrestimin e drejtuesin dhe njëkohësisht pronarin e kamionit ku ishte fshehur droga, Altin Deromema, si dhe shoqëruan bashkëshorten e tij në komisariat. Mësohet se lënda narkotike e llojit kanabis sativa ishte paketuar dhe vendosur në pjesën e sipërme të një kamioni tip "Iveco" me targa AA 312 AD, që u kontrollua në momentin kur do të kalonte traun e doganës.
a.q/NOA
