Romë, 9 nëntor 2011, NOA – Presidenti i Italisë, Napolitano ka pohuar pak minuta më parë se kryeministri Silvio Berluskoni do të dorëhiqet pas miratimit në Parlament të ligjit të stabilitetit.
Kreu i shtetit italian deklaroi se, së shpejti vendi do të ketë qeveri të re ose zgjedhje të reja, ku përfshihet edhe koha për fushatën zgjedhore.
Ndërkohë, senati italian do të përshpejtojë procedurat për miratimin sa më parë të ligjit të Stabilitetit.
Nga ana tjetër partitë politike në Itali kanë nisur tashmë të publikojnë edhe skemat e reja qeverisëse ku nuk përjashtohet një qeveri gjithëpërfshirëse.
a.q/NOA
