Romë, 12 nëntor 2011, NOA - Kryeministri italian Silvio Berluskoni pritet të japë dorëheqjen sot, pas miratimit tw ligjit të ri në Parlament.
Miratimi definitiv nga dhoma e ultë e Parlamentit do të shënojë veprimin e fundit të qeverisë Berluskoni. Kryeministri italian pritet të mbajë një takim të fundit të kabinetit dhe pastaj të dorëzojë dorëheqjen e tij te presidenti Xhiorxhio Napolitano.
Ish komisioneri Europian Mario Monti lakohet si favoriti që mund të zëvendësojë kryeminstrin Berluskoni në këtë detyrë të rëndësishme në një kohë kur vendi është zhytur në pasiguri ekonomike dhe politike.
Presidenti italian Napolitano emëroi ditët e fundit Montin si senator të përjetshëm në një lëvizje e cila shikohet si një shenjë e fortë, sipas të cilës Napolitano mund t’i kërkojë atij të formojë qeverinë e re brenda pak ditësh.
a.q/NOA
