Tiranë, 23 nëntor 2011, NOA - Kryetari i Partisë socialiste Edi Rama, priti sot ambasadoren e re franceze në Tiranë, Christine Moro. Në takim Rama shoqërohej nga deputeti i Partisë socialiste, Ditmir Bushati. Zyra e shtypit të PS-së ka zbardhur shumë shkurt takimin e kryesocialistit me diplomaten e një prej vendeve mjaft aktive edhe në politikën e ditës në Shqipëri.
Sipas njoftimit, kreu i PS, Rama dhe ambasadorja franceze Moro, folën mbi situatën politike në vend si dhe diskutuan mbi intensifikimin e marrëdhënieve mes Shqipërisë dhe Francës, në kuadër të procesit të integrimit të vendit në Bashkimin Europian.
a.q/NOA
