Korçë, 22 dhjetor 2011, NOA- Një 52 vjeçar nga qyteti i Korçës ka gjetur vdekjen gjatë kohës që ka qenë duke pirë kafe në një lokal.
Burime zyrtare nga policia e këtij qyteti thanë për agjencinë e lajmeve NOA.al se, mëngjesin e sotëm Agron Sadikllari mësohet të ketë pësuar infarkt teksa ka qenë duke pirë kafe në një lokal 24-orësh.
52 vjeçari i cili ishte emigrant në shtetin grek ishte kthyer drejt vendit tonë me rastin e festave të fundvitit, ndërsa vdekja për të ka rezultuar e beftë.
Nga ana e uniformave blu po vijojnë hetimet, ndërsa nga të dhënat paraprake nga ekspertët mjeko- ligjor thuhet se kemi të bëjmë me vdekje natyrale.
a.y/NOA
