Aksidente të shumta si shkak i mos zbatimit dhe nga këmbësorët, pasagjerët por dhe drejtuesit e mjeteve.
Apeli i Policisë së Shtetit ndaj drejtuesve të automjeteve:
“U kërkojmë drejtuesve të mjeteve të respektojnë normat e shpejtësisë dhe të tregojnë kujdesin e duhur në përdorimin e sistemit pamor gjatë lëvizjes në akse të ndryshme rrugore në qarkun e Tiranës, me qëllim parandalimin e aksidenteve, të cilat kanë pasoja për jetën dhe shëndetin e njerëzve. Policia e kryeqytetit, në zbatim të përgjegjësive të saj ligjore, nuk ka për synim ndëshkimin e drejtuesve, por sensibilizimin dhe ndërgjegjësimin e tyre për të respektuar me rigorozitet normat e Kodit Rrugor gjatë drejtimit të automjetit”, thuhet në njoftimin e policisë.
Duke marrë parasysh faktin se rregullat e qarkullimit rrugor nuk zbatohen me përpikmëri, kjo situatë ka favorizuar aksidente të shumta automobilistike.
Autoritetet lokale u kanë bërë thirrje qytetarëve të zbatojnë rregullat e qarkullimit rrugor. Policia ka nisur kontrolle, me synim zbatimin e sinjalistikës rrugore, vendosjen e rripave të sigurimit, mospërdorimin e celularëve përgjatë drejtimit të mjetit.
Masat janë:
1-Masa administrative për konsumim të alkolit: 88 masa me 82 persona të arrestuar në kushtet e flagrancës
2-Masa administrative për ecje me shpejtësi të tej normave të lejuara: 35 masa
3-Masa administrative për mos zbatim të semaforit: 40 masa
4-Masa administrative për mos vendosje të rripit të sigurimit: 5834 masa
5-Masa administrative për mos vendosje të kaskës mbrojtëse: 353 masa
6-Masa administrative për parakalim të gabuar dhe ecje me shpetësi: 1637 masa
7-Masa administrative për qëndrim të gabuar: 9916 masa
8-Masa administrative për përdorim të celularëve gjatë drejtimit të mjetit: 100 masa
