Një person humbi jetën dhe dy të tjerë mbetën të plagosur nga të shtënat me armë zjarri mbrëmjen e së premtes në Shkodër. Ngjarja ka ndodhur në lagjen “Bahçallëk”, në hyrje të qytetit, pranë tregut të makinave.
Sipas burimeve të Policisë Enver Barbullushi 52 vjeç ka humbur jetën rrugës duke u transportuar për në spital, pas plagëve të marra, ndërkohë të plagosurit janë Samet Barbullushi 25 vjeç, djali i Enver Barbullushit dhe Nezi Shega 46 vjeç. Të plagosurit janë dërguar menjëherë në spital dhe ndodhen jashtë rrezikut për jetën.
Autoret e maskuar kanë hyrë në lokal dhe kanë qëlluar me automatik dhe më pas janë larguar nga vendi i ngjarjes me një makinë. Ndërkohë që mjeti u gjet i djegur në malin Hebaj rreth 1 ore e 30 minuta pas ngjarjes.
Sipas policisë, mendohet se njëri prej të plagosurve ka qenë shënjestra, për shkak të disa konflikteve të vjetra. Dyshohet se shënjestër ka qenë Nezir Shega. Policia po punon për identifikimin dhe kapjen e autorit të ngjarjes, e vetëm pak pas saj, policia ka gjetur një makine të djegur, shumë pranë vendit të ngjarjes, e cila dyshohet se u përket autorëve.
